قبل فترة معينة

قبل فترة معينة كنت اعتقد ان السعادة دائمية وان ممكن تكون الايام كلها هدوء وتكون مريحه كنت اعتقد ان في يوم ممكن تجي هذا الفترة وادخل بيها

لكن حاليا اني اعتقد او عندي يقين تام ان السعادة مؤقته والايام الهادئة والمريحه ايضا مؤقتة وهذا الاعتقاد أثر على حياتي الحالية و صرت الاحظ الاشياء البسيطة واللحظات القصيره الي افرح بيها او اشعر بالمرح والمتعه خلال اليوم وصرت اسميها بالسعادة . فعلا السعاده ما تجي بس من الانجازات الكبيرة او السفر او النجاحات ممكن ايضا تتحقق السعادة بأشياء بسيطة خلال اليوم صرت اقدر اللحظات المريحة وحتى ساعات الملل وعدم فعل شي وبالتالي من وجهه نظري الشخص الي ما يكدر يحقق السعادة من الاشياء البسيطه اعتقد ان ماراح يحصلها من الافعال والانجازات العظيمة

وايضا بسبب اعتقادي ان السعادة مؤقتة جعل مني انسانة قليلة التعلق يعني ما اتعلق بالامور المادية الي تجلب السعادة الي ولا حتى الاشخاص واكدر افرح واني اعرف ان هذا الشي يمكن افقده او الشخص يمكن يغادر لان هذه طبيعة الحياة المهم حاليا انت افرح واشعر بالسعادة ولا تفكر اهواي ☺️

هذا الشي الي اذكر بيه نفسي دائما