حياتي

حاليا اشعر بشعور جميل واشعر اني في حاله وعي مو حالة غفلة او وهم اني كلش احب من اتعلم شي جديد او اعرف معلومه جديدة او تفاصيل معينه اعتقد ان اي معلومه تفتح افاق جديدة ويصير عندي شعور جميل يفرز الدوبامين ويخليني استمر. اليوم يصادف استشهاد فاطمة الزهراء وسمعت محاضرة وحده وبودكاست عن قضيه الاعتداء الي صارت على فاطمة الزهراء وعرفت تفاصيل اكثر عن هذه الحادثه وعرفت تفاصيل اكثر عن فضل فاطمة الزهراء عن دورها وتاثيرها الفعال وحتى هذا الشي مو مجرد معرفه تفاصيل حدث صار بالسابق وانما من خلال استماع المحاضرة تم ذكر تفاصيل اخرى تأثر حتى على حياتنا حاليا لدرجه حسيت بشعور ان اني هسه رجعت للحقيقه رجعت للواقع ، الصراحه اعتبر نفسي كنت في غفلة او وهم تم ذكر بعض المعايير لتقييم الناس وشلون الناس قبل على مر الازمنه كيف يتعاملون وشنو معاييرهم لتقيم الناس ومقارنتها بالمعايير الحقيقة الي وضعها النا الاسلام بعد مجيء النبي محمد صلى الله عليه واله ومن ربطتها بحياتنا الحاليه شفت احنه شكد متاخرين ودا نرجع للخلف ما نتقدم . وهو شعور جميل اني عرفت تفاصيل ومعلومات جديدة واني بنفس الوقت رجعت لللواقع ردت اكتب هذا الشي قبل لا انام ماكو شي مميز صار اليوم بحياتي او شعور معين ما عدا هذا الشعور